تحشيشات أخر زمن

موضوع: تحشيشات أخر زمن الأحد يونيو 01, 2008 11:54 am

مصلاوي سأل ابوه شنو الفرق بين الشده والفرج؟ كلو الشده اذا جاك خطار والفرج اذا كان متغدي

كردي شاف هاي العلامه (!) گله لصاحبه هاي شنو؟؟ گله هاي يعني ميصير تبول هنا حتى ولو نقطه

عصابه خطفت بنيه و عجوز البنيه اتصيح نزلونه نزلونه العجوز اتكللها رجاءا كل واحد يحجي على نفسه

واحد دخل للكهوه ...وطلب استكان جاي وكلاص ماي ..جابله ابو الكهوه الجاي والمي ..شرب المي وكام ايخوط بالجاي بس شاف بالجاي ذبانه... كاله خالي هاي ذبانه بالجاي؟ باوعله ابو الكهوه .. وضحك ..كاله هوه الجاي ب250 دينار قابل اخليلك فخذ دجاج؟؟؟

فد يوم واحد راح اتقدم لوحده فكالت لابوها ما اريده بابا يعلچ. فكله الاب والله ابني ماكو نصيب متكلي انت ليش تعلچ؟. كله مو علمود تروح ريحة الجكاير .كله ها وفوكاها اتدخن. كله بس من اسكر. كله متكلي شعلمك. كله والله عمي من جنت بالسجن .كله ها مسجون وشسجنك. كله اتقدمت لابنيه وابوها ما قبل وكتلته. الاب كله من رخصتك هسج اجي راح على بنته. كلها بابا لتتلوكين واذا يعلچ

اتعارك ياحلو لأجلك وأطك طك ..وللحساد اذب حرمل وأطك طك ...افرح من تراسلني وأطك طك ...وأطك أصبع بس تسأل عليه

وحده جكمه كالت لزوجها... صلح شباك الحمام ليروح ابن الجيران يشوفني... كللها بس يشوفج هوة يصلحه

ثلاثة ما ينامون الليل المديون والاعزب والمغازلجي... ثلاثة يسببون الإحباط المي و الكهرباء والبانزين.... ثلاثة الله يكون في عونهم أبو البنات والمطلقات واللي تخرب المولدة مالته.... ثلاثة صعب نتخلى عنهم الموبايل والسلاح والستلايت..... ثلاثة محتاجه واسطة الجوازات والتعيين الحكومي والسره بالمستشفيات..... ثلاثة يرفعون الضغط الملح والكوليسترول والوضع بالعراق

مصلاوي اشتره تلث برتقالات فتح الاولى لكاهه معفنه فتح الثانيه لكاهها معفنه طفه الضوه واكل الثالثه

دليمي راح يخطب قدموله استكان جاي بي جيس مال ليبتون كال هلا هلا هلا من اولها سحر

ردد ثلاث مرات \'افتح يا سمسم ابوابك نحن الاطفال\' ارسل هذه الرساله الى عشره اشخاص وسترى نعمان في منامك . واذا قرأتها اكثر سترى ملسون وسيأتيك كعكي يحمل اخبارا سعيده:: وقد يحالفك الحظ اكثر وترى گرگور .(هذه الرساله ارسلت الى شخص واهملها فانقطعت عنهم قناه سبيستون، وشخص اخر عمل بها فرزق شريط كراندايزر وارسلت الى شخص فاستهزأ بها فانقلب الى زعبور

فالح ابو العمبة ديغازل صاحبته يكوللها ... حلو يالشعرچ مفلفل فلافل... وحك عيناج عن حبچ فلا فل.... ولو جانت عشرتي وياج صمون وفلافل .... ولج والله دجاج تصير ومطبك سويه .. سوية.. عليهم

محشش كال اريد اصادق بنيه.... كلوله لازم تاخذها بالسياسه !! راح لحك بنيه كللها اكلج شنو هالجمال؟!! تشبهين جلال الطالباني

مره كردي كاعد وياالجمهور بفد مباراة....الجمهور متحمسين وديشجعون ويكولون:هيه هيه هسا يجي الاول جاب الفريق الهدف الاول وبعدين كامو يكولون هيه هيه هسا يجي الثاني وهم جابو الثاني فكام الكردي كللهم:اخوان الشايف المباراة لايحجي رجاءا

احبك من صغر عودي وسني..... ومن حبك سقط شعري وسني.... على حالي بچه شيعي وسني... وثالثهم مسيحي يون عليه

مصلاوي شاف صاروخ بالجو... كال هذا اشكد يسوى؟ كالوله ملايين... كال يارب يوكع ابيتنا

شعر شعبي بالمصلاوي: عليهم الدمع ياعين كبي .. وعلى غاسي الماي ياحلوي كبي...... صوجي أنا بالليل أتعشيتو كبي... مانمتو ليلي وهاج قولوني عليي

خباثه الحشرات العراقيه -------------------------------------------------------------------------------- ذبان البصرة ينتظر الواحد يحچي حتى يفوت بالحلك...... بگ ديالى يهجمون تلاثة اثنين منهم يرفعون اللحاف و وحدة تفخخ ...حرمس العمارة وحدتهم تگول عبالك كاتل ابوها.... صراصربغداد صارت بينهم وبين النعال صداقات وعلاقات حميمة .....نمل ابوغريب شكر او بدون شكر تلگاهم ملمومين.....الجراد مال الربييعة ياخذون خاوات من الفلاحين.... گمل الكوت ما يروح الا بعملية جراحية أو نفط..... ابو بريص الموصل يظل يباوع عليك عبالك تعرفة من قبل.... نحل دهوك اذا لگفك الله الكتبها عليك يعني ما تگدر تطلع من البيت چم يوم.... ذبان سليمانية يجلب وما يويخر وياكل لحم شلون ما اعرف.... زنابير اربيل مسوي شي ما مسوي شي يعضك انضباط وعدكم الحساب

كردي گال لمرته: اليوم تخرجت من الكليه.. گالتله: ليحسدوك عله ذكاءك.. دُگ الخشب.. گام دگ عالقنفه.. گالت : منو؟.. گالهه:گعدي إنتي..... أني أفتح

مرة اثنين رفاق حزبين التقوو ورة السقوط واحد صاح للثاني ها رفيقي؟؟؟ من بعيد العالم كامت اتباوع ..هذا خاف كلة رفيقك الحسين اغاتي

فد يوم واحد وره ما خلص صلاة كال يا رب سوي روما عاصمة اليابان... امة كلتله ليش هذا الدعاء يا ابني كاللها موكتبت هيج بالامتحان

شاب سافر للخارج شاف اعلان حبوب ترجع العمر ليورى كال ادزها للامي وابويه حك ما ربوني ووصلوني لهنا ..المهم دزها ورى فترة رجع تلكته امه راجعه شابه وبديها طفل كلها ها يمه شبسرعه جبتي جاهل كالته لا يمه هذا مو جاهل هذا ابوك المكموع شرب الشيشه كلها

وحدة عصبية كالت لزوجها: ياريت ماخذة ابليس ولا ماخذتك جاوبه الزوج: لاعيني ميصير الاخ ياخذ اخته

معلم كال للطلاب بدرس الأنشاء : اكتبوا موضوع انشائي وتخيلوا انفسكم مدراء احدى الشركات ، بدؤا يكتبون الا واحد فسأله المعلم: ابني ليش متكتب ؟؟؟؟ الطالب : استاذ انتظر السكرتيرة تجيبلي الاوراق

واحد وهو ديموت باوع على مرتة اللي جانت يمة بنظرة رومانسية وكاللها لمن انطردت من الشغل انتي جنتي وياية ولمن تمرضت انتي وكفتيلي وجنتي يمي ولمن فلست هم جنتي وياية والى حد هسة انتي بعدج يمي واني دا اموووت عاد لزم ايدهة بحنية وكاللها ما اعرف ليش دا احس انهو انتي فكر

محشش طب على مقهى نت فميعرف على الحاسبة داس منا او جاب منا ميدري داس دكمة بالغلط جان يطلع مال سيدي رايتير كال خرب بعراضكم اليابانيين حتى اهنا تحطون نفاضه

واحد رجع للعراق بعد الغربه فأول منزل من الطائره خله الجنطه بالكاع ودنك ايبوس تراب الوطن رفع راسه ملكه الجنطه كال رجعنه لطيحان الحظ

مسيحي دخل للجامع و معاه سكين و قال: منو بيكم مسلم؟ محد رد عليه إلا واحد شجاع قاله: أنا مسلم اخذه برة وطلع من الجامع وياه و قاله: عندي خروف اريدك تذبحه و تسلخه على الطريقه الإسلاميه قال المسلم: أنا اعرف أذبح بس شوف واحد ثاني يسلخه دخل المسيحي المسجد و السكين كلها دم من الخروف و قال: منو بعد بيكم مسلم؟ اشروا المصلين على الإمام رد الإمام عليهم: 'هوة شنو ؟ علمود صليت بيكم ركعتين صرت مسلم

دليمي گل لقاسم أبو الگص: فد نفر گص...قاسم گلله: سفري لو بالصاله؟ كلله: سويه مشكل

هندي صار موذن بجامع و تورط وما عرف الأذان ؟قال؟نفر مسلم صلي //نفر كافر خلي

واحد محشش مر من يم مزرعة ابقار سال الفلاح كلة شنو انتو تزرعون ابقار ؟ جاوبة الفلاح ناصب علية.....كلة اي نرش شكر على الكاع وثاني يوم يطلع بقر...راح المحشش رش شكر واجة ثاني يوم لكة الكاع بيها نمل كال الله : الله شكد البقر حلوين من همة صغار

حكمــة اليـــوم تگـــول:- إذا خدعك مره واحد فأنهُ محتال وإذا خدك

مرتين فأنت قشمر

</BLOCKQUOTE></BLOCKQUOTE>

</BLOCKQUOTE>