منتديات بلو :: الفئة الأولى :: المنتدى الادبي..قصة قصيرة ..شعر ..نثر..اساطير ...ملاحم

خاف أحچي ويگولون سب الحكومه

كاتب الموضوع

رسالة

Admin
Admin

عدد الرسائل : 2866
العمر : 80
localistion : my yahoo
empoi : متقاعد
loisirs : usa
منتديات بلون :

تاريخ التسجيل : 04/02/2008

خاف أحچي ويگولون سب الحكومه Empty

موضوع: خاف أحچي ويگولون سب الحكومه الأربعاء يونيو 22, 2011 5:38 am

خاف أحچي ويگولون سب الحكومه -------------------------------------------------------------------------------- خاف أحچي ويگولون سب الحكومه * كفاره يطّي النوب يرهن إهدومه سولف يبعد إچلاي ويحلها حلال * إضبط إعصابك زين كون أنت رجال ذب شصّك وبعدين تصفي القضيه * لو سجن سبع إسنين لو تطّي ديّه مو شص وحكَ عيناك سلّيه ذبيت * خلي اليصير يصير خلي أهجم البيت مرت علينه إسنين بس نسمع أخبار * بلكي إنقلاب إيصير والطاغي ينهار ما قصّر الله إبهاي ودّه النغل بوش * داس إبطن صدام وتفلش الحوش خابرت أمي إبساع يا يمه وينچ * باجر نرد للبيت خل تگر عينچ هلهلت يم الباب وإلتمت الناس * مبروك وألف عالخير راح إبن المداس من غبشه گبل الناس راحت على السوكَ * جابت حضن صمون عود إنّه ريّوكَ شعلت بخور النوب وتبخر الدار * عام ونص إمتانين والقوري عالنار أيست والأيام طالن عليها * وردت مثل ما چان تصفچ بأديها فرحتنه بالتغيير طلعت حلم نوم * مثل السراب وراح ما يبگه للدوم گلنه الفرج والخير والحظ إجانه * مثل الي راد إگرون گصوا إذانه نفس الصفر والطاس ما بيّن الزين * بس رحمه مو ممنوع نبچي إعلى الحسين گالوا بعد سنتين ونوزع إبيوت * تاليها حتى المات ما عنده تابوت كيّفنه گلنه نصير مثل الإمارات * ماي وضوه وتبليط مو بس قرارت حجّتهم إستقرار مامش بالبلاد * تانونه عشر إسنين ونضوي بغداد ننتظر عشر إسنين نحمي إعلى چوله * نتعارك إعلى إبريچ ما عدنه لوله چا ولكم شتردون غير المسيرات * يتنفس الجوعان حي بعده ما مات رحمه العلم سواه مجلسنه لونين * إقماشه من باريس وفلوسه بالدين إمبارك وعالخير هاي العداله * صبح ومسه إيغنون عالبرتقاله إلنوبه خاف التين من يسمع إيغار * وبساحة الفردوس يحتج على الصار خل يحتج الرمان خل يحتج التين * مليوصه هيه وشاخ بالديره الگطين نومتنه هاي إهنا للچمري يهواي * لمن يرد إردود ويغرب الماي

خاف أحچي ويگولون سب الحكومه

صفحة 1 من اصل 1

صلاحيات هذا المنتدى:

لاتستطيع الرد على المواضيع في هذا المنتدى

منتديات بلو :: الفئة الأولى :: المنتدى الادبي..قصة قصيرة ..شعر ..نثر..اساطير ...ملاحم

انتقل الى: